Superbalita

Superbalita Cebu | Sun.Star Online
Latest Philippine Community News, Blogs, Multimedia
  • Sun.Star SuperBalita Cebu's front page for March 31, 2015
  • Modepensa na sab

    HUMAN sa iyang 9th round TKO nga kadaugan batok kang Mexican Gilberto Parra niadtong Sabado sa Pinoy Pride 30: D-Day sa Araneta Coliseum, si World Boxing Organization (WBO) junior flyweight champion Donnie “Ahas” Nietes nakatakdang mo­sagubang og malisod nga tahas sa umaabot.

    Ang Pinoyng boksidor nga labing dugayng naggunit og world title modepensa na sab sa iyang korona karong Hulyo 4 dinhi sa Sugbo batok sa iyang mandatory challenger nga si Mexican Francisco Rodriguez.

  • Gullas, guest sa SAC-SMB All-Cebu Sports Awards

    ANG Sugbuanong philanthropist, educator ug sportsman Jose ‘Dodong’ R. Gullas maoy guest of honor sa 33rd Sportswriters Association of Cebu-San Miguel Brewery (SAC-SMB) All-Cebu Sports Awards nga ipahigayon karong alas 3:00 sa hapon sa Activity Center sa Ayala Center Cebu.

    Si Gullas, kinsa kasamtangang Executive Vice President sa University of the Visayas, dili lang motunga sa kalihukan isip motivational speaker apan isip usa sab ka special awardee.

  • Cavs nakaipsot sa Sixers

    GIPAHUGTAN sa host Cleveland Cavaliers ang ilang paggunit sa ikaduhang dapit sa Eastern Conference pinaagi sa makutas nga kadaugan batok sa Philadelphia 76ers, 87-86, kagahapon sa National Basketball Association (NBA).

    Ang Cavaliers naggunit na karon og 48-27 nga rekord ug na­kagintang sila’g gamay sa Chicago Bulls nga naa sa ikatulong dapit dala ang 45-29 nga baraha.

    Wa man tuod siya nakaarte og sakto sulod sa korte apan ang importante alang kang LeBron James, nakaipsot sila bitbit ang kadaugan.

  • PowerPlay registration sugdan na ugma

    SUGDAN na ugmang adlawa ang pagpangrehistro sa PowerPlay basketball training camp nga ipahigayon sa Lapu-lapu gymnasium (tapad sa simbahan sa Birhen sa Regla), dakbayan sa Lapulapu ug sa Mandaue City.

    Kini maoy gipahibawo sa training director nga si Larry Villanil, kanhi magduduwa sa Ginebra San Miguel sa PBA.

    Matod ni Villanil nga himuon ang pagpangrehistro sa Lapu-lapu gym sa alas 8 sa buntag hangtod sa alas 12 sa udto samtang alas dos ngadto sa alas singko sa hapon ang pagpanawat usab og rehistrante sa Ibabao-Estancia, barangay hall sa Mandaue City.

  • 3-cock Fiesta derby sa Buanoy, Apr. 20

    MGA inilang derbyista sa Sugbo ang kompirmadong mangapil sa umaabot nga 3-cock Fiesta Derby nga ipahigayon karong Abril 20, 2015 (adlawng Lunes) sa Mier Recreation Center, sa Barangay Buanoy, lungsod sa Balamban.

    Mokabat ngadto sa P200,000 nga guaranteed prize ang nakahan-ay sa maong derby nga adunay pot money nga P4,400 ug may minimum bet nga P2,200.
    Ang weigh-in himuon sa Abril 19 (adlawng Dominggo) sa Mer Recreaton Center.

    Ang promoter nga si Clyde Seblos, Kapitan sa Brgy. Buanoy, mibutyag nga ubay-ubay sa mga inilang derbyista sa Sugbo ang kompirmadong mo­salmot niini.

  • Painters-Bolts semis sugdan karong gabii

    Duwa karon:
    (Araneta Coliseum)
    7:00 p.m. – Rain or Shine vs.  Meralco
    (Semis: Game One)

    SUGDAN karong gabii ang best-of-five semifinals round tali sa top seed Rain or Shine ug sa no. 5 Meralco Bolts sa nag-inusarang duwa sa nagkainit na nga PBA Commissioner’s Cup sa Araneta Coliseum.

    Ang Painters nakalusot sa semis series pinaagi sa 92-91 human makuhai og bola ang Ginebra sa himatyong segundos ni Jeff Chan alang sa bayanihong layup.

  • Muay Thai summer clinic sugdam Apr 6

    MOPAHIGAYON ang Muay Thai Association of the Philippines-Cebu chapter og usa ka buwan nga summer clinic sugod karong Abril 6 sa 4th floor sa Coast Pacific Downtown Center atbang sa University of Cebu (UC) Main campus sa dalan Sanciangko ning dakbayan.

    Ang Muay Thai usa sa labing bantugang combat sport nga nagagikan sa Thailand. Mogamit kini’g stand-up striking inuba­nan sa nagkadaiyang clinching techniques.

    Gitawag kini og “the art of eight limbs” gumikan kay mogamit sa ku­mo, siko, tuhod, tiil ug inubanan sa saktong pagpakondisyon.

  • Fajardo nag-una gihapon sa stats

    BISAN sayong nanamilit ang iyang team nga San Miguel Beermen sa Philippine Basketball Association (PBA) Commissioner’s Cup, ang Sugbuanong higante mao gihapon ang nag-una sa statistical race alang sa Best Player of the Conference award.

    Si Fajardo, kinsa maoy kasamtangang MVP ug BPC awardee sa miaging Philippine Cup, adunay 33.9 statistical points human kini nag-average og 16.5 puntos, 12.6 rebounds, ug 1.9 blocks.

    Gumikan sa sayong pagpanamilit sa Beermen, posibleng maapektuhan ang poruhan ni Fajardo a­lang sa BPC award.

  • 4.9 nga linog miuyog sa Cebu, Bohol

    USA ka magnitude 4.9 nga linog ang nitay-og sa Sugbo, Bohol ug ubang lugar sa Kabisay-an kagahapon.

    Ang mga tawo nangahadlok ug nag-iyahay og panggawas sa mga opisina, balay ug ubang estruktura dihang nabatyagan ang paglihok sa yuta alas 9:47 sa buntag.

    Pipila ka mga buhatan sa gobiyerno ang nikansilar sa ilang trabaho ug mga transaksyon pagka hapon paghatag og dalan sa gihimo nga inspeksyon pagtino sa kaluwas sa mga building.

    Karong adlawa, balik sa normal ang operasyon sa nagkadaiyang buhatan sa kagamhanan.

 

Events Calendar

April 2015
S M T W T F S
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
Copyright © 2015 DepEd Division of Cebu City. All Rights Reserved.